Indietro

PER SPENDER BEN I NOSTRI SCHEI


(Being for the benefit of Mr.Kite)

Per spender ben i nostri schei
qualcuno ha organizà i mondiali de balon
però perchè i riessa ben
bisognarà rifar le strade zo in cità
e alora avanti co le ruspe
sensa starghe tanto su a pensar
e zo schei ghe n'è tanti no stemo a badar

Entrar e uscir dala cità
l'è diventà 'n impresa da fenomeni
in machina no se va più
almeno se podesse ciapar l'autobus
ghè busi da per tuto
e dovemo aver pasiensa e soportar
e zo schei ghe n'è tanti no stemo a badar

La radio e la television
ià dito che faremo proprio un figuron
le strade e i stadi novi
ghe voleva proprio 'sti mondiali de balon
e ti porta pasiensa
e resta in fila sensa tanto brontolar
e zo schei ghe n'è tanti no stemo a badar
Indietro
Page URL: http://www.petols.it
Copyright , Castellazzi/Erlati
Webmaster: Renato Castellazzi
Revised: 24/sept/2001